Kill Em with Kindness

Kill Em With Kindness (Սպանիր նրանց բարությամբ), ամերիկացի երգչուհի Սելենա Գոմեսի երգը, որ նա ձայնագրել է իր Revival (2015) երկրորդ ալբոմի համար։

Սելենա Գոմեսը երգը գրել է Անտոնինա Արմատոյի, Թիմ Ջեյմսի, Բեննի Բլանկոյի (որը մասնակցել է նաև նրա Same Old Love հիթի ստեղծմանը), Dave Audé։ Որպես պրոդյուսեր հանդես են եկել Rock Mafia, Բեննի Բլանկոն և R3drum։ Ռադիոյով երգն սկսել է հեռարձակվել 2016 թվականի մայիսի 3-ին (ալբոմի չորրորդ սինգլը), իսկ երաժշտական տեսահոլովակը նկարահանվել է ապրիլի վերջին^[1]։

Տեսահոլովակը թողարկվել է 2016 թվականի հունիսի 6-ին VEVO-ում^[2]։ Տեսահոլովակը նկարահանվել է սև-սպիտակ երանգներով և հագեցած է սիմվոլիզմով. վարդերը խորհրդանշում են սեռական բռնությունը, փամփուշտները՝ պատերազմը, մոմը՝ աշխարհի վերջը, իսկ պարողները՝ գեղարվեստական պատկերը։ Մեկ շաբաթվա ընթացքում տեսահոլովակը հավաքել է 17 միլիոն դիտում։

Սելենա Գոմեսը երգը կատարել է Jingle Ball Tour 2015 փառատոնում իր ելույթի ժամանակ^[3]։ Այն ներկայացվել է նաև We Day-ում 2016 թվականի ապրիլի 7-ին^[4]։

1. ↑ «Selena Gomez Scores Third Pop Songs No. 1 With 'Hands to Myself' & Releases New Single From 'Revival'». Billboard. 2016 թ․ ապրիլի 7. Վերցված է 2016 թ․ հունիսի 8-ին.
2. ↑ «Selena Gomez Has Looks To "Kill" In New Music Video». TIME. 2016 թ․ հունիսի 6. Վերցված է 2016 թ․ հունիսի 8-ին.
3. ↑ «Jingle Ball 2015: Watch Performances By 1D, Selena Gomez, The Weeknd And More». Idolator. 2015 թ․ դեկտեմբերի 5. Վերցված է 2016 թ․ հունիսի 9-ին.
4. ↑ «Can't get better than this! Selena Gomez stands out in bold yellow raincoat at WE Day California event in LA before sizzling performance on stage». Dailymail. 2016 թ․ ապրիլի 7. Վերցված է 2016 թ․ հունիսի 9-ին.